GuidePedia

0


"Bang apalagi nyang kurang?.." Kata Mumun ngingetin lakinya nyang mao ikut Kemah Bakti Nusantara atawa KEMBARA.

"Subhanallah, Eneng sayang bener sama Abang..."  Encang sumringah geliat bininya begitu getap nyiapin perlengkapan.

"Pastinya Bang, Eneng pan kagak pengen laki Eneng jadi tukang nonton doang, kagak semangat, udah kagak punya kemonesan, maonya cuman nyang enak-enak..." Mumun nerusin omongannya.
"Lah Eneng emang tau,  kembara itu apaan dah?"
"Tau lah bang, kan sebelumnya DPW PKS lain udah pada ngadain..." Encang melongo rada heran, bininya yang sehari-hari uplek-uplek di dapur,  tau juga soal kembara.

Sembari bungkusin rendang buat bekel, Mumun terus ngomong: "Nih bang, Eneng udah bawain rendang tiga kilo, lontong, tupat, abon, telor asin, emie, teri kacang, trasi goreng, uli, roti sobek, kue bandos,.. Pokoknya lengkap dah"

Ngeliat itu semua, Encang ketawa geli.."Neng, abang mo kemping, bukan mo buka warung...hahaha".

Jarum jam tembok nunjukin pukul 22.30. Sesuai arahan panitia, para peserta harus ngumpul di titik keberangkatan pukul 00.
"Neng, bentar lagi abang brangkat ye.."
"Iye bang, eh sebentar, sinih eneng bisikin..."
Mumun pun membisikkan sesuatu di kuping suaminya. Encang  tersenyum sumringah.

Maka, di malam Jum'at itu Encang pun sudah siap dengan ransel di punggung kaya gembolan. Di tangan kanannya kompor gas portabel. Di tangan kirinya tungked kayu setinggi 160 cm. Ngeliat lakinya yang umurnya hampir 60 tahun masih serengkedan bawa gembolan kaya gitu Mumun jadi terharu.

"Bang,.  Eneng ikut ye..."
"Lah kalo Eneng ikut, mo ditaro dimane...''
"Di hati abang" Kata Mumun sembari mesem.

Facebook  Buchori Jawahir 

Post a comment

 
Top